Euskararen erabilera ez-sexista

Badirudi euskara neutroan egitea erraza dela, agian, gaztelera edo frantsesarekin alderatuz gero bai. Hala ere, hizkuntzaren forma neutroak erabiltzeak bakarrik ez du erabilera ez sexista egiten. Diskurtsoa ere oso kontuan hartu behar da: androzentrismoa esaterako. Gizarte sexista batean bizi gara, maiz, konturatu ere ez gara egiten, baina, emakumeak bigarren mailan jartzen ditugu: sendagilea esaten dugunean, adibidez, gehienok gizona irudikatzen dugu, oraindik, sendagilea termino neutroa izanagatik.

HELBURUA

Gaur egun oso barneratuta dugu, gehienok bederen, gizartea sexista dela; hizkuntzan ere, noski, badu eragina. Askotan, ohartu ere ez gara egiten, oso barneratuta baitugu. Azaleko sexismoaz gain ezkutatuko sexismoa ere badela erakuts arazi nahi da ikastaroaren bidez. Sexismo mota ezberdinak ezagutu eta nola saihestu.

EGITARAUA

1. Zer da hizkuntzaren erabilera sexista/hizkuntza sexista? Iritzi ezberdinak.

2. Erabilerari begira euskarak beste hizkuntza batzuekiko dituen abantailak.

3. Formari begira hizkuntza “neutroa” egiteko dauden hainbat irispide.

4. Euskaraz hizkuntza neutroa egiteko dauden arazoak.

5. Arazo nagusia: forma ez, “diskurtsoa”.

HARTZAILEAK

• Euskara zein genero teknikariak.
• Hizkuntza ez sexista erabili nahi duen edonor.

METODOLOGIA

Ikastaroa online izango da eta 5 atal ezberdin izango ditu; atal bakoitzaren amaieran galdera bat egingo du irakasleak foroan. Bertan, euren iritzi, ekarpen eta zalantzak azaltzeko aukera izango dute ikasleek. Atala ulertu duten ikusteko ikasleek test moduko galdera batzuk ere erantzun behako dituzte. Horretaz gain, ikasleek euren zalantzak argitzeko irakaslea eskuragarri izango dute plataforman.