Hiritartasun kritikoa, aktibismoa eta mugak

Europar Batasuneko mugimendu sozial eta ekintzaileek argumentu berdina errepikatzen dugu: Europar Batasunak giza eskubide, berdintasun eta askatasunarekiko zuen konpromezua bertan behera utzi du eta muga erregimen baztertzaile bat sortu du. Azken urteetan behar ekonomikoen araberako kontrol politika postkolonialen implementazioa, eskubideak urratzen dituzten herrialdeetara kanporatzea, enpresa multinazionalen pribatizazioa eta jatorri migratzaileen hautaketa behar ekonomikoen arabera.

Ikastaro honetan eredu horren dekonstrukzioa bilatzen da borroka eta mobilizazio leku sinboliko batzuen analisiaren bitartez. Azken batean, pertsona indibidual edo kolektiboek, ekintzaileek, asilo eskatzaileek eta errefuxiatuek, emakume migratzaileek etabarrek sortutako “herritarren ekintzei” buruz hitz egitea da, zeinek “neo-orientalizazio” prozesu ezberdinei erantzuten dieten, hala nola, kriminalizazioa, biktimizazioa, patriarkatua, arrazializazioa, deportazio prozesuak etab.

HELBURUAK

Gertakari konkretu bati buruzko ikuspegi alternatiboa erakustea da helburu: muga eredu eta inmigrazioaren kontrolaren kontrako erresistentzia. Horregatik migranteak juridiko eta politikoki subjektu babesgabe eta ezgaiak bezala azaltzen dituen ikuspuntu paternalista eta asistentzialista gaindituko dugu. Egoera krudelak jasan arren, pertsona batzuk traba fisikoei (mugak, polizia kontrolak, kanporatze prozesuak…) eta sozialei (arrazakeria, xenofobia, kriminalizazioa…) aurre egiteko gai dira, bai indibidualki eta bai modu kolektiboan. Ikuspuntu honi buruz nahi dugu hausnarketa egin eta eztabaidatu. Ez dugu erresistentzia eredu ideala zein den eredu normabito bat ezarri nahi, baizik hiritartasun kritikoaren ikuspuntutik zein esperientzia dauden azaldu.

EGITARAUA

1. Hiritartasunaren teoria kritikoa. 

2. Asilo eta babesa. 

3. Europa muga erregimen bezala. 

4. Gorrotoaren mapa Europan. 

5. Estatu espainiarra eta frantsesa: kontrol eta erresistentzia istorioak.

6. Euskal Herria, errealitate bereizia? 

METODOLOGIA

Ikastaroa guztiz online da. Aurkezten dugun egitarau didaktikoak orientazio dibulgatzailea eta praktikoa du, eztabaida bultzatuz. Gainera, formakuntza gainditu ahal izateko, 1000 hitzez osatutako  amaierako lan praktiko bat egin beharko da.

KOLABORATZAILEAK
             

Irakasleria

Christian Orgaz, Indaga Cooperativa de Investigación Social (Madril).

Cristina Fernández-Bessa, Observatorio Sistema Penal y Derechos Humanos (Bartzelona).

Edna Gimenez, SOS Arrazakeria Gipuzkoa.

Nieves Arrese, UPV-EHU.

Giacomo Donadio, Carovane Migranti (EH-Italia).