Liburutegi Laguntzailea ikastaroa

UNED-Bergara Ikastetxe Elkartuak, Bibliotekonomia arloan dagoen eskaintza urriaz jabetuta, eta komunitatearen zerbitzura jarduteko bere politikari jarraituz, XVIII. LIBURUTEGI LAGUNTZAILE IKASTAROA aurkezten du, gaur egun, 2003az geroztik bezala, formakuntza zorrotza ematea helburu duena.

HELBURUAK

Informazioa bilatzeko, aukeratzeko, katalogatzeko, sailkatzeko eta antolatzeko profesional espezialistak trebatzea da helburu orokorra.

EGITARAUA

1. Atala teorikoa (20 ordu)

• Liburutegi kontzeptua eta tipologiak. Liburutegiaren hedadura eta hedapen kulturala Liburutegi publikoetan.
• Bilduma, eraketa, garapena eta mantentze-lanak.
• Bildumaren tratamendua. Liburuaren prozesu teknikoa.
• Katalogoa Liburutegian. Kontzeptua, funtzioak eta tipologia.
• Erabiltzaileak. Erabiltzaileentzat zerbitzuak. Erabiltzaileen trebakuntza.

2. Atal praktikoa (100 ordu)

• Erregela katalografikoak. Monografien katalogazio praktikoa (literatura, liburu teknikoak, biltzarrak, lege-testuak, etab.) (ikasleak, Katalogaziorako Erregelak jarraitu beharko ditu, 1999ko berrazterketaren edizioaren edozein berrinprimatze erabili beharko du).
• Gai-sarrerak (Liburutegi Publikoetarako 2. ed. berrik., materia gai sarreren zerrenda).
• Sailkapen Hamartar Unibertsala, SHU (UNE 50001:2015 araua).
• MARC Formatua.

HARTZAILEAK

Praktika katalografikoan eta bibliotekonomia ezagupenetan sakontzen interesa duen oro, edo informazioaren kudeaketarako enpresa baten lan egin nahi duena. Ikastaroa, katalogazioa, antolamendua eta Liburutegi baten bildumak eskatzen duen metodologia eta kontzeptuen inguruan birziklapen profesionala behar dutenei zuzentzen da ere.

METODOLOGIA

Parte hartzaileek, on line bidez soilik lor daitezkeen baliabideen bidez, ezagupenak jaso eta esperientziak biziko dituzte: multimedia materiala, liburuak, ariketak etab. Era berean, proposatzen diren ariketa eta eztabaidetan parte hartzea dinamizatzen eta monitorizatzen da.

Ikasleak, pasahitz bidez, ikastaroaren webgunera sarrera du, non, hurrengoa egin dezaken:

• Ikastaroaren teoria azaltzen duen materialetara sartu (apunteak, aurkezpenak etab.).
• Material osagarria kontsultatu (estekak, bibliografia, albisteak, etab.).
• Irakasleari, zalantzak, era pribatuan ala publikoan zuzendu.
• Programako parte-hartzaileek proposatzen dituzten eztabaidetan parte hartu.
• Bibliotekonomian sakontzeko interesa duten arlo ezberdinetako profesionalek osatzen duten lan-komunitate sendo bat sortu, benetako sare-soziala lortuz.

Bestalde, ikasleak, ikastaroaren irakasle-laguntzaileak emandako zerbitzu zuzen, pertsonalizatu eta etengabea izango du. Ikastaroari ahalik eta probetxurik handiena ateratzeko, irakasle-laguntzaile honek lagunduko dio.

On line atala, ostiraletan 17:30etatik 20:00ak arte emango diren aurrez aurreko saioekin osatzea proposatzen da. Saio hauetara etortzea gomendatzen bada ere, ez da nahitaezkoa. Egunak hurrengoak izango dira:

2021eko urtarrilak 29.

2021eko otsailak 26.

2021eko martxoak 26.

2021eko apirilak 30.

2021eko maiatzak 21.

Ebaluazioa: Ebaluazioa etengabekoa da, beraz, modulo bakoitzeko ariketa praktikoak ebatzi eta ikastaroan proposatzen diren mintegi eta eztabaidarako foroetan parte hartzea eskatzen da.