Pertsona itsu eta ikusmen murriztukoentzat irisgarritasuna sare sozialetan eta dokumentu digital eta paperezkoetan

Gaur egun, inguru digitalean sortutako komunikazioak presentzia handia du gure bizitzan. Gehienbat sare sozial eta dokumentu digitalen bidez lortzen dugu informazioa, erosten dugu, formatzen gara etab.

Munduan gutxi gorabehera 285 milioi daude desagaitasun bisualarekin (OME), Europan ia 30 milioi (European Blind Union) eta Espainian, ia milioi bat (INE). Egun, itsutasuna eta ikusmen murriztua gorantz doaz bi faktoregatik: biztanleriaren zahartzeagatik eta begien patologiekin erlazionatuta dauden gaixotasun kronikoen nagusitasunagatik, hala nola, makulako endekapena edo erretinopatia diabetikoa.

Zorionez, ongizate-estatuak, indarreko legeriak eta aurrerapen sozial eta teknologikoek  pertsona itsu eta ikusmen murriztukoen partaidetza aktiboa bultzatzen dute pertsonen aktibitate eremu guztietan, modu normalizatuan eta gainontzeko hiritarren eskubide eta betebeharrekin. Baina hori errealitate izateko beharrezkoa da produktu eta zerbitzu irisgarriak eskaintzen dituen gizarte barneratzaile bat sortzea. Irisgarritasuna ez da arkitektura-oztopoak ezabatzea bakarrik, zerbait gehiago da. Ondo komunikatzen jakitea da. Batez ere ingurune digitalak gure egunerokotasunean hain presentzia garrantsitsua duen momentuan. 

Ikastaro honekin ikasleek modu barneratzailean komunikatzen ikasiko dute eta ideiak, aktibitatea, produktuak edo zerbitzuak ezagutaratzeko tresnak  antzematen.

HELBURUAK

Helburu orokorra: Pertsona itsu eta ikusmen murriztua dutenentzat eduki irisgarriak nola egin ezagutzea.

Helburu zehatzak: 

• Irisgarritasunari buruzko ideiak ezagutarazi.
• Desgaitasun bisualaren mundua ezagutu eta itsutasuna eta ikusmen murriztua bereizi.
• Pertsona itsu eta ikusmen murriztukoentzat dokumentu elektroniko eta paperezko irisgarriak sortzen ikasi.
• Sare sozialetan eduki irisgarriak nola sortu eta argitaratu ezagutu.

EGITARAUA

1. Irisgarritasuna ezagutzen
1.1. Definizioa.
1.2. Diseinua denentzat VS arrazoizko egokitzapena.
1.3. Norentzat da onuragarria?
1.4. Esku-hartze lineak: fisikoa, komunikatiboa eta soziala.

2. Dibertsitate funtzional bisualaren inguruko kontzeptuak
2.1. Izendapena.
2.2. Definizioa eta sailkapena.
2.3. Datu estatistikoak.
2.4. Muga eta irtenbide nagusiak.

3. Pertsona itsu eta ikusmen murriztua dutenentzat komunikazio-irisgarritasuna
3.1. Braille.
3.2. Makro tipoak.
3.3. Audioa.
3.4. Irakurketa erraza.
3.5. Ordenagailura eta gailu mugikorretara sarbidea.

4. Pertsona itsu eta ikusmen murriztua dutenentzat irisgarritasun jarraibideak dokumentu eta sare sozialetarako
4.1. Paperezko dokumentuak.
4.2. Dokumentu elektronikoak.
4.3. Sare sozialak.

HARTZAILEAK

• Hirugarren sektoreko profesional eta bolondresak.
• Hurrengo arloetako profesional edo ikasleak: komunikazioa, online marketina, informatika, diseinua, bezeroei arreta, community management, hezkuntza, pedagogia, gizarte lana, gizarteratzea, psikologia etab.
• Administrazio Publikoetako teknikariak.
• Zerbitzu arloko profesionalak: turismoa, ostalaritza, merkataritza etab.

METODOLOGIA

Ikastaro honek metodologia teoriko-praktikoa du. Teoria bideo bidez lagunduriko apunte bidez ematen da eta ebaluaketa foro bidez eginiko galdera irekiei emandako erantzunez eta bakarkako aktibitate batez egiten da.

ANTOLATZAILEA                                KOLABORATZAILEA